Константин Дмитриевич Ушинский
(1824-1870)
Ушинский нь 1824 онд төрж бага ба залуу насаа Новгород-Северск гэдэг бяцхан хотод өнгөрүүлжээ. Тэнд гимназид суралцаж байгаад улмаар Москвагийн их сургуулийг төгсгөж багш болжээ.
Ушинскийн амьдрал хүнд байв. Хаант засаг түүний ажлыг дэмждэггүй байсан боловч Ушинский их зүйл бүтээжээ. Түүний идэвх оролцоотойгоор ядуучуудын хүүхэд суралцах хэд хэдэн сургууль нээгджээ. Ушинский хүүхдэд зориулан олон өгүүллэг, үлгэрүүд бичсэн байна. Тэрээр "Хүүхдийн ертөнц", "Төрөлх хэл" гэдэг сурах бичгүүдийг зохиожээ.
Ушинский эдгээр номууддаа хүмүүсийн амьдрал, хөдөлмөр, байгалийн гайхамшигт үзэгдэл болон биднийг хүрээлэн байгаа бусад олон зүйл юмсын тухай өгүүлжээ.
Ушинский хүүхдүүдийг өөрийн ард түмэн, төрөлх хэлэндээ халуун хайртай болгон хүмүүжүүлж байв. Константин Дмитриевич Ушинский 1870 онд нас нөгчжээ.
Эх сурвалж: Д. Ушинский "Хүүхдийн нүдний шил" (1957 он) номоос
