Дуламын Аюушийн Батсайхан би 1957 оны гал тахиа жилийн хавар эхээс мэндэлжээ.
Миний бие бага насаа аав ээжийнхээ гар өсөн торниж, ясли, цэцэрлэг, дунд сургуулиар дамжин төр засгийнхаа буянаар алс холын Москва хотод Хилийн Цэргийн Улс Төрийн Дээд сургуульд суралцах их аз завшаан надад тохиолдсон нь хүний дайтай явах эх суурь нь болсон юм.
Сургуулиа төгсөөд би Дорнод аймгийн Сүмбэр суман дахь “Байлдааны гавьяа”-ны одонт, БНМАУ-ын маршал Х. Чойбалсангийн нэрэмжит хилийн дугаар отрядад ухуулах ажлын зааварлагчаар томилогдон очсон цагаас хойш 25 жил эх орныхоо дархан хилийн манаанд олон сайхан нөхдийнхөө хамт мөр зэрэгцэн алба хааж байгаад дөчин таван насандаа цэргийн тэтгэвэрт гарлаа. Гэвч өнөөдөр сайн нөхрийн ач тусаар Хилийн Цэргийн Дээд Сургуульд багшилж, ирээдүйн хилчин офицеруудыг бэлтгэх хүндтэй албанд зүтгэж байна.
эх сурвалж: https://e-nom.mn/book?bid=1279 номоос
