Онгуд Ганжууржавын Шаравжамц 

1953 онд БНХАУ-ын ӨМӨЗО-ы Зуу-Уд аймгийн Зүүн Баарин хошууны Нарийн даваа хэмээх газар торжээ. 1979 оноос зохиол бичсэн.

"Хүн яст хад”, "Шанд хүрд хэйвэн балгас" номоороо 2 удаа БНХАУ-ын 56 үндэстний "Ажнай хүлэг" шагналыг хүртжээ. Энэхүү шагнал нь 3 жилд нэг удаа олгодог, утга зохиолын хамгийн дээд шагнал юм.

1973 онд ерөнхий боловсролын сургуулиа дүүргээд малчин, ардын багш, өрхийн цэргийн сургагч, идэвхтэн бичигч зэрэг ажил алба гүйцэтгэж байв. Төрийн хошой шагналт зохиолч түүний таван зохиол нь бүрэн дунд сургууль болон их сургуулийн хичээлийн сурах бичигт орсон аж. Муж, орны зэрэглэлээс дээш уран зохиолын нэр хүнд бүхий шагналыг арав гаруй удаа хүртсэнээр ӨМӨЗО-ны “Солонго” шагналыг дөрвөн удаа, ӨМӨЗО-ны Засгийн газрын анхны “А.Од-Сэр нэрэмжит утга зохиолын шагнал”, улсын анхны Монгол уран зохиолын “Боржигон” шагнал хүртэж, “Хүн яст хад” өгүүллэгийн түүвэр, “Шанд хийвэн хүрд балгас” найрууллын түүврээрээ Хятадын 56 үндэстний V, VII удаагийн “Ажнай хүлэг” төрийн шагналыг хүртэж, алтан одонгоор энгэрээ мялаалгажээ. Түүний товч намтар нь “Хятадын зохиолчдын том толь”, “Дэлхийн урлагийн алдартан” зэрэгт тэмдэглэгдэж, уран бүтээл нь холбогдох номын сан болон архивуудад тавигдсан байна.

дэлгэрэнгүйг эндээс