СҮНГЭРЭВИЙН АДИЙХҮҮ (1935 — 1978)
Манай уран зохиолын авьяаслаг орчуулагч Сүнгэрэвийн Адийхүү 1978 оны 6 дугаар сарын 24-нд зуурдаар нас барав.
С. Адийхүү 1935 онд Өвөрхангай аймагт төржээ. Бага, дунд сургууль, хүн эмнэлгийн техникум төгсөж, бага эмч, дипломат, орчуулагчаар ажиллаж байв.
Сүүлийн жилүүдэд Монголын урчуудын эвлэлийн хороонд ажиллаж байсан юм.
С. Адийхүү түгээмэл утга зохиолыг монгол хэлнээ орчуулж байснаас гадна орчин үеийн монголын утга зохиолыг дэлхий дахинд сурталчлах үйлст үнэтэй хувь нэмэр оруулсан билээ.
Эх сурвалж: "Утга зохиол, урлаг" сонин
