ЦАХИМ НОМ

Д. Догсом

(1884- 1941)

Ардын Хувьсгалын анхны долоогийн нэг Дансранбилэгийн Догсом одоогийн Хэнтий аймгийн Баян-Овоо сумын ард болой.

Багадаа нутгийн бичигтнээр ном заалгаж, улмаар хошуу тамгын газар, аймгийн чуулган, Богд хаант Монгол улсын Сангийн, Цэргийн яаманд бичээч, эх зохиогч түшмэлээр ажиллаж байжээ.

1910-аад оны эцсээр Д. Сүхбаатар, С. Данзан нарын байгуулсан хувьсалт бүлгэмийн гишүүн болж, улмаар улс ард түмнээ үхэл, сүйрлийн аюулаас аврахаар умрыг зорьсон зоригт долоогийн нэг билээ.

Гэмин, бароны харгислалын гүн дотор хувьсгалын ажлыг нууцаар хийж ардын хувьсгалын ялалтын анхны өдрөөс эхлэн ардчиллыг хөгжүүлэх, ардын төрийг төвшитгөх, түмэн олноо соёлжуулах үйлсэд эх оронч хувьсгалчийн ёсоор өөрийн биеийн алжаалыг үл хайхран оролцож явсан улс төр нийгмийн зүтгэлтэн, дуучин, бичгийн хүн байлаа. Монголын дуу хөгжмийг судлагч С. Кондратьев, Д. Догсомын зохион дуулж явсан дуунуудыг өндрөөр үнэлжээ. Дансранбилигийн Догсом бол өгүүлэл дуртгал, шүлэг олныг бичжээ.

Улсын Бага Хурлын Тэргүүлэгчдийн даргаар ажиллаж байхдаа 1939 оны 7 дугаар сарын 9-нд хилс хэрэгт баривчлагдаж 1941 оны 7 дугаар сарын 8-нд ЗХУ-ын хаалттай шүүх хуралдаанаас хуулийн дээд хэмжээгээр шийтгэж цаазалжээ.

Д. Догсомд холбогдсон хувьсгалын эсэргүү хэрэг нь хилс ташаа зохиомол зүйл байсныг нотлон тогтоосон ЗХУ-ын Ерөнхий прокурорын хариуг үндэслэн БНМАУ-ын АИХ-ын Тэргүүлэгчдийн дэргэдэх цагаатгах ажил эрхлэх комиссын 1962 оны 1 дүгээр сарын 25-ны өдрийн 78 дугаар тогтоолоор цагаатгажээ.

Зохиолч (орчуулагч)-ийн номууд

Өнөөдөр: 8388
Сүүлийн 7 хоног: 49292
Сүүлийн 1 сар: 211652
Нийт хандалт: 10415544