Гомбын ДАМДИН
(1925 - 1962)
Дөчин хэдэн оноос жаран он хүртэл уран зохиолын орчуулгыг бараг дагнан эрхэлсэн Гомбын Дамдин бол тэр үеийн Дорнод аймгийн Урт сум, одоогийн Сүхбаатар аймгийн Эрдэнэцагаан нутгийн хүн байлаа. Багадаа Улаанбаатарт ирж, нэгдүгээр арван жилийн сургууль төгссөн, Монгол Улсын Их сургуулийн тоо физикийн ангид сурч байгаад гарсан цагаасаа хойш шүлэг зохиол орчуулж, төвийн сонин хэвлэлд нийтлүүлж эхэлсэн бөгөөд өөрөө ч сонин хэвлэлийн голдуу олон газарт ажиллажээ.
Дамдин Улсын хэвлэлийн газар редактораар ажиллахаас өмнө олон байгууллагад ажилласны дотор "Залуучуудын үнэн" сонины эрхлэгчээр нэлээн хэдэн жил болсон байлаа.
Эх сурвалж: Г. Амар "Эгэл эрхмүүд" номоос
