АМИРДЫН САНЖИД
(1905—1938)
Монголын шинэ үеийн зохиолчийн нэг А. Санжид 1912 онд одоогийн Хэнтий аймгийн Буянт сумын нутагт төржээ.
Санжид багаасаа бичиг номд шамдан суралцаж хошуу, аймгийн яамны бичээч зэрэг ажлыг 1925 оноос хийж хорин насандаа ардын цэрэгт явж цэрэг, байцаагч, бага, дунд, ахлах даргын алба хааж явжээ. Тэрээр сурсан мэдсэнийгээ, авьяас билгээ ард түмэндээ зориулж явсан яруу найрагч, жүжгийн зохиолч, театрын найруулагч юм.
А. Санжидын уран бүтээлийн намтар нь чухам хэзээнээс эхэлсэн нь тодорхойгүй боловч бичсэн зарим зохиолоос нь үзэхэд ардын армид алба хааж эхэлсэн тэр үеэс утга зохиолоор оролдох болсон бололтой. А. Санжид нь 1932 оны намраас цэргийн олон нийт, урлагийн ажилд зүтгэж эхлээд тэр жилээ ардын цэргийн төв клубийн олон нийтийн ажлын эрхлэгч болжээ. Ингээд 1933-1934 онд цэргийн дотор урлагийн ажил хөгжиж байсан тэр үед Санжидын уран бoтээл шүлэг, өгүүллэг нь “Улаан-Од”, "Үндэсний соёлын зам” зэрэг сонин сэтгүүлд нийтлэгдэж байжээ.сурсан мэдсэнийгээ, авьяас билгээ ард түмэндээ зориулж явсан яруу найрагч, жүжгийн зохиолч, театрын найруулагч юм. БНМАУ-ын Сайд нарын Зөвлөлийн 1936 оны № 89 тогтоолд Санжидын «Мунхаг засаг» хэмээх аялгуут жүжиг улс төрийн утга чанар ба уран сайхны онц чанартай бөгөөд сонирхолтой» гэж тэмдэглэсэн байхад, «Улаан од» сонины 1937 оны № 33-д Санжидын «Батхүүгийн зам дээр» хэмээх аялгуут жүжиг нь «...урьдах аялгуут жүжгээс хол илүү болсон» гэж бий. Тэр нь голцуу иргэний уянгаар туурвиж явжээ. А. Санжид 1938 онд Сталинчуудын төмөр саварт базуулан хилс хэрэг тулгуулж байхдаа ч гэсэн хоригдлуудын дотор сайн дурын театр байгуулан, хувьсгалын ололт, эрх чөлөөг сурталчилж явжээ.
