Хассүрэнгийн ЛХАМДОРЖ
Сэтгүүлч, орчуулагч Хассүрэнгийн Лхамдорж 1928 онд Хантайшир уулын аймаг, Цэцэн сартуулын хошуу (одоогийн Завхан аймгийн Ургамал) сумын нутагт төржээ.
Нутагтаа бага, дунд сургууль дүүргэж, 1968 онд ЗХУ-д Москвагийн улсын их сургуулийг сэтгүүлч мэргэжлээр төгссөн байна.
1978 онд Москвад Нийгмийн ухааны академид «Феодализм ба империализмийг эсэргүүцсэн хувьсгалын төгсгөлийн шат дахь “Үнэн” сонин» сэдвээр дэд эрдэмтний зэрэг хамгаалжээ.
Х. Лхамдорж нам, засгийн төв хэвлэл-«Үнэн» сонинд сурвалжлагч, утга зохиолын ажилтан, МАХН-ын Төв Хорооны дэргэдэх Нийгмийн ухааны институтэд орчуулагч, редактор зэрэг ажил алба хашиж байв. Тэрээр сонинд ажиллах хугацаандаа намын үзэл суртал, гэгээрлийн ажлын онол, арга зүй, олон улсын байдлын талаар олон өгүүлэл, тайлбар, тойм бичиж нийтлүүлсэн байна.
Лхамдорж улс төрийн ном зохиолын чадварлаг орчуулагч бөгөөд, В. И. Ленин, К. Маркс, Ф. Энгельс нарын зохиол болон олон улсын коммунист, ажилчны намын зүтгэлтнүүдийн бичсэн өгүүлэл, хэлсэн үг зэрэг олон арван материалыг орчуулж, уншигчдын хүртээл болгоход түүний гүйцэтгэсэн үүрэг их юм.
Эх сурвалж: “Л.НОРОВСҮРЭН “СЭТГҮҮЛ ЗҮЙ” (21 боть зохиол)-ийн VII боть “МОНГОЛЫН СЭТГҮҮЛЧИД-1”-ээс
