ДУНГАРЫН ЧИМЭД
(1904—1932)
Д. ЧИМЭД 17 настайдаа ардын хувьсгалтай золгож эх орноо харийн дайснаас чөлөөлөх үйлсэд хүчин зүтгэж яваад, Алтанбулаг дахь анхны тэнхимийн захирал багш болж улмаар Москвад дорно дахины хөдөлмөрчдийн эв хамтын их сургуульд суралцаж байлаа. Түүнээс хойш нам, төрийн ажил хийж явав. Дунгарын Чимэд бол 1929 онд монголын хувьсгалч зохиолч нарын бүлгэмийг үүсгэн байгуулагчийн нэг юм. Тэр нь шүлэг, үргэлжилсэн үгийн зохиолоор авьяас билгээ сорьж явлаа. Түүний бүтээлүүд нь товчхон бөгөөд үг хэллэгээр хурц, уран хошин аястай билээ. Тэр нь шүлэг зохиолоо “Дэмчи”, “Хөдөөгийн хөдсөн дээлт” хэмээх нэрийн дор нийтлүүлж байв.
Г. ЖАМСРАНЖАВ
