Альбер Камю
(1913-1960)
Альбер Камю 1913 онд төрсөн. Эцэг нь алжир, эх нь испани. Балчир насаа Алжир хотын нэгэн ядуу хороололд эхтэйгээ өнгөрөөсөн. Эцэг нь 1914 онд алагдсан. Алжирын нар, Белкур (Алжир хотын нэгэн хорооллын нэр)-ийн тарчиг амьдрал Камюд юу өгсөн тухайд хожим тэр өөрөө: “Хүмүүн төрөлхтний түүхэнд бичигдсэн бүхий л зүйл эрхэм сайн гэсэн бодлыг минь зовлонт амьдрал надаас ангижруулсан, харин түүх бүхнийг агуулсан юм биш гэдгийг нар надад мэдүүлсэн юм даа” хэмээн өгүүлжээ. Ядуу зүдүү амьдрал түүнийг бусдын зовлонд өр зөөлөн хандаж, үгээгүйчүүдтэй сэтгэл санаагаар хамт байхад сургажээ... Өссөн оромж, хороололдоо тэр өөрийгөө “ядуу зүдүүгийн аралд” хаягдсанаар төсөөлдөг байв.
Испани эх нь хүүдээ ач буянаа өгсөн гэдгийг онцлууштай. Эрхэмсэг бардам, дутаж гачигдахын зовлонг нэр төртэй давж чаддаг, үхлийн өмнө нугаршгүй хатан зоригтой энэ эмэгтэйн нөлөөгөөр Камюд кастилл зан чанар сүрхий сууж бүрэлджээ
Дэлгэрэнгүйг Wiki-гээс
