Валпола Рахула
(1907–1997)
Шриланкийн буддын лам, эрдэмтэн, зохиолч.
В. Рахула доктор Цейлонд буддист хуврагийн уламжлалт сургуулийг хийж, боловсрол олсон бөгөөд Буддагийн сургаал бүүр Ашока хааны үеэс дэлгэрэн цэцэглэж, эдүгээ хүртэл бүхий л амин чадлаа хадгалсаар ирсэн тэрхүү арлын орны сүм хийдийн тэргүүлэх дээд сургуулиудад (пиривенад) гол гол албан ажлыг хашиж байжээ.
Тэр бээр ингэж эртний уламжлалаар боловсорч, эл бүхий уламжлал бүдгэрч ирсэн энэ цагт олон улсын шинжлэх ухааны мэдлэгийн арга, зарчим тийш эргэхээр шийджээ. Тэр бээр Цейлоны Их сургуульд орж суралцан, хүмүүнлэгийн ухааны бакалаврын онц төгсгөсөн дипломыг (Лондонд) авчээ. Дараа нь Цейлоны буддизмын түүхээр нарийн судалгааны зохиол бичиж, Цейлоны Их сургуульд гүн ухааны докторын зэрэг хамгаалсан байна.
Улмаар Калькуттагийн их сургуульд нэрт профессоруудтай хамт ажиллаж, Алс Дорнодын орнуудад Төвөдөөс эхлэн тархсан буддизмын хэлбэр болох Их хөлгөний (Махаяна) тухай мэдлэгтэй болсон аж. Хоёр хөлгөний нийцийн үзлээ өргөжүүлэхийн үүднээс тэр бээр төвөд, хятад судар номын нарийн судалгаанд орж, Их хөлгөний алдарт гүн ухаантан Асангагийн тухай судалгаа хийхээр Парисын (Сорбонны) Их сургуульд ирсэн юм.
Дэлгэрэнгүйг Wiki-гээс.
