Хөдөлмөрийн баатар, Соёлын гавьяат зүтгэлтэн цол, Төрийн шагналт яруу найрагч, үргэлжилсэн үгийн зохиолч, эрдэмтэн, доктор ЛОДОНы ТҮДЭВ 1935 онд Говь-Алтай аймгийн Наран сумын нутагт төрсөн. 1956 онд улсын багшийн дээд сургууль төгсжээ. 1954 оноос уран зохиолын ажлыг сонирхон оролдож энэ хугацаанд хүүхэд багачуудад зориулж «Нөхөд», «Сайн байцгаана уу? багачуудаа!» «Жаалууд», «Зохиогүй чимэг», «Осолтой жим», «Анчны тэмдэглэл», «Мөнхийн ус», «Алтан гадас чиг заана» зэрэг шүлэг, өгүүллэг, туужийн ном хэвлүүлжээ.
