ШИРНЭНГИЙН ЦЭЕН-ОЙДОВ
Сэтгүүлч, зохиолч Ш. Цэен-Ойдов 1931 онд Ховд аймгийн Цэцэг сумын нутагт төржээ.
1962 онд Хөдөө аж ахуйн дээд сургууль, 1976 онд Марксизм, ленинизмийн оройн дээд сургуулийг сэтгүүлчийн мэргэжлээр төгсжээ. «Үнэн» сонины газар 1962 оноос эхлэн орон нутаг дахь сурвалжлагч, утга зохиолын ажилтан, хэлтсийн эрхлэгч, тоймчоор 30 шахам жил ажиллажээ.
Ш. Цэен-Ойдов шилдэг бүтээлээрээ монголын сэтгүүлчдийн холбооны шагналыг 1981 онд авсан байна.
«Ээждээ бичсэн захидал», «Миний нутгийн бараа», «Дахин дэлгэрсэн яргуй», «Тэнгэрийн цагаан заадас» зэрэг хэд хэдэн ном, олон тооны найруулал, тэмдэглэл, сурвалжилга, асуудал дэвшүүлсэн өгүүлэл нийтлүүлжээ.
