Гомбожавын ОЧИРБАТ
Гомбожавын Очирбат нь 1929 онд Завхан аймгийн Нөмрөг сумын “Ойгон” багийн нутагт төржээ.
Тэр бээр 1958 онд ЗХУ-ын Москвагийн улсын их сургуулийг Орос хэл-Утга зохиолын багш, судлаач мэргэжлээр төгсжээ. 1969—1972 онд ЗХУКН-н Төв хорооны дэргэдэх Нийгмийн ухааны академийн аспирантурт суралцан төгсөж философийн ухааны дэд эрдэмтний зэрэг хамгаалсан байна.
Г. Очирбат нь 1958—1960 онд МУИС-ийн Орос хэлний тэнхимийн эрхлэгч, 1960—1962 онд Улсын хэвлэлийн газрын ерөнхий редактор, 1962—1964 онд “Үнэн” сонины нэгдүгээр орлогч, 1964—1969 онд МАХН-ын хэлтсийн эрхлэгч, 1972—1982 онд Монголын үйлдвэрчний эвлэлийн төв зөвлөлийн дарга, 1982—1984 онд Ардын боловсролын яамны сурах бичиг, сэтгүүлүүдийн нэгдсэн редакцын дарга, 1984—1986 онд Нийгмийн ухааны институтийн эрдэм шинжилгээний ахлах ажилтан, 1986—1988 онд МАХН-ын төв хороонд хэлтсийн орлогч эрхлэгч, 1988—1990 онд Прага хотноо олон улсын “Энхтайван социализмын асуудал” сэтгүүлийн газарт МАХН- ын төлөөлөгч, 1990—1991 онд МАХН-ын төв хорооны дарга зэрэг удирдах ажил голлон хийжээ.
Эх сурвалж : Монгол улсын их сургуулийн Гадаад хэл соёлын сургууль эмхэтгэн гаргасан "Манай эрдэмтэд" (УБ., 2010 он) номоос
Дэлгэрэнгүйг Wiki-гээс
