1958 онд Тайваний Тайнан хотод төрсөн. Тайванийг төлөөлөгч яруу найрагч, зохиолч, судлаач, уран зохиол сэтгүүлийн ерөнхий эрхлэгч, Тайваний Үндэсний Их сургуулийн Тайвань уран зохиолын салбарт докторын зэрэг хамгаалсан. Одоо Тайваний үндэсний Тайжун боловсролын их сургуулийн уран зохиолын салбарын эрхлэгч, профессороор ажиллаж байна.
Фан Ёо Чиан нь Дэлхийн яруу найрагчдын холбооны Ерөнхий зөвлөлд олон улс хариуцсан Захирал, Дэлхийн үндэстний зохиолчдын Холбоонд Тайванийг төлөөлөгч, Олон улсын зохиолчдын эвлэлийн Сангийн хүндэт зөвлөхийн ажил хариуцаж буй. Тайваний Сэтгүүлүүдийн холбооны Ерөнхийлөгч, Ерөнхий редактораар ажиллаж байжээ.
Яруу найргийн 9 номтой, 100 гаруй эрдэм шинжилгээний өгүүлэл нийтлүүлсэн. Шүлгээ ихэнхдээ өөрийн төрөлх Тайвань хэлээрээ туурвиж хайр дурлалын сэдвээр бичдэг хүн юм. Зохиол бүтээлдээ Тайвань хүний санаа бодол, түүхийг илэрхийлэхийн сацуу хүн төрөлхтний оршихуйн утга учрыг нээн өгүүлдэг аж. Түүний яруу найраг англи, испани, хятад, япон, турк, монгол, бенгал хэлээр хэвлэгджээ. Олон улсын яруу найргийн наадамд шүлэг зохиолоо олонтоо толилуулж байжээ.
Уран бүтээлийн шагнал:
- «Тайжан соёлын гавьяат шагнал» 2016 онд болсон 32 дахь удаагийн дэлхийн яруу найргийн наадмын үеэр (Тайнань)
- «У юн фү уран зохиолын шүүмжит шагнал» 2015 онд У юн фү соёлын сангаас (Тайпэй)
- «Рун ху Тайваний яруу найрагчийн шагнал» 2009 онд Рун ху соёлын сангаас (Тайпэй)
- Боловсролын яамнаас санаачилсан «Эх хэлний гарамгай зүтгэлтэн» шагнал 2008 онд Боловсролын яам (Тайпэй)
- «Ү жү лю уран зохиолын шинэ шүлгийн шагнал» 2006 онд Боловсролын яам (Тайпэй)
- «Фү чин уран зохиолын шилдэг шүлгийн шагнал» 2001 онд Тайнаны засгийн газар (Тайнан)
- «Нан ен уран зохиолын шилдэг яруу найрагчийн шагнал» 1998 онд Тайнаны засгийн газар (Тайнан)
