МАГСАРЖАВЫН ДУГАРЖАВ
(1893-1946)
Олонд дуучин гэж алдаршсан энэ хүн бол Сэцэн хан аймгийн Далай бэйсийн хошуу (Хожим богдын их шавийн харьяат болсон)-нд 1893 онд төржээ. Бага насандаа монгол бичиг сурч, автономитын үед бичээч, туслах түшмэлийн ажил хийж явжээ. 1919 оноос эхлэн хувьсгалын нууц ажилд оролцжээ. Ардын засгийг байгуулсны дараа 1921 онд ардын цэргийн бригадын дарга, Сэцэн хан аймгийг тохинуулах сайдын тушаалыг хавсран хүлээж урвагч Найданжавын бүлгийг бут цохих даалгаврыг сайн биелүүлжээ. Дараа нь зүүн өмнө хязгаарыг сэргийлэн захирах сайдаар томилогдон Даригангад сууж байжээ. 1920 хэдэн онд Гадаад Яамны дэд сайдын тушаалыг тус тус хүлээж явжээ.
Дэлгэрэнгүйг Wiki-гээс
Бүтээл:
- "Шивээ Хиагт", 1921
- "Улаан туг", 1921 (1929 онд С. Буяннэмэх үгийг шинэчлэн зохиосон)
- “Сүхбаатарын дуу” (үгийн хамт) 1923 он
- “Монгол интернационал”, С. Буяннэмэх 1923 он
- “Янжуур тамхи” (М. Дугаржавын гэж “Хувьсгалын дууч” номд бий)
- “Таван эрдэнэ” (үгийн хамт) 1932 оны орчим гэж дээрх номд
- “Жавхлант сүрэг” Б. Доржсүрэн, 1932 оны орчим (дээрх номд)
- "Идэр жинчин", 1934 (бага Нацагаа буюу Төмөрийн Нацагдорж)
- "Баян Монгол",1934 (Н. Наваан-Юндэнгийн шүлэг)
- "Үхэрчин хүү", 1934 (Н. Наваан-Юндэнгийн шүлэг)
