Дэндэвийн Ёндон
(1933 - 1994)
1933 онд Дорноговь аймгийн Айраг сумын нутаг, Эрдэнэ толгойн Сайнцагаан гэдэг газар Дэндэвийн ууган хүү болон төрсөн.
1941 - 1944 онд бага сургууль, 1946 - 1949 онд бүрэн бус дунд сургууль, 1958 - 1961 онд марксизмын оройн дээд сургууль, 1961-1962 онд Орос хэлний курс, 1964 - 1969 онд МУИС-ийн хуулийн ангиудад сурч төгссөн. Хуульч мэргэжилтэй, монголын өмгөөллийн коллегийн гишүүн байсан.
1961 - 1953 онд Дорноговь аймгийн Айраг сумын захиргаанд зарлага, бичиг үсгийн багш, 1956 - 1958 онд Дорноговь аймгийн намын хороонд зааварлагч, "Ялалт" сонины газар хянагч, 1958 - 1961 онд Шүүх яаманд сайдын нарийн бичиг, Улаанбаатар хотын намын хороонд зааварлагч, 1961 - 1970 онд МРХЭГ-т сурвалжлагч, редактор, 1970 - 1976 онд хуулийн хороонд зөвлөгч, "Хууль тогтоолын эмхэтгэл" сэтгүүлийн нарийн бичгийн дарга, 1976 оноос Соёлын яамны Хэвлэлийн нэгдсэн редакцад улс төрийн номын редактораар ажиллаж байгаад Дорноговь аймагт шилжин Алтанширээ, Айраг сум нэгдлийн дарга хийж байгаад Талх чихрийн комбинатад хуулийн зөвлөх, сав баглаа боодлын үйлдвэр ТЧК-ын цех байхад дарга байж байгаад тэтгэвэртээ гарсан.
1970 оны 4-р сарын 1-ний өдөр хуралдсан "Бямбын Очирхуяг, Ринчиний Чойном, Бямбажавын Цогтсайхан нарт холбогдох хэргийг хянан хэлэлцэх" шүүх хуралд Дээд шүүхийн Эрүүгийн хэрэг эрхэлсэн коллегийн өмгөөлөгч Д. Ёндон өмгөөлөгчөөр оролцсон.
МОНЦАМЭ-д сурвалжлагч байхдаа Хонгор морь гэдэг найраглал бичиж радиогийн алтан фондод хадгалуулсан байдаг.
Орос хэлнээс олон ном орчуулж, олон орчуулгын номын редактораар ажилсан.
