Зохиолч: Х. Сампилдэндэв
Монголын Маньбадар хурц ухаантай, хошин егөөтэй, мэргэн цэцэн үгээрээ ихэс дээдсийг ичээж харц доодсыг хамгаалж явсан хүн гэх бөгөөд Өвөрхангай нутгийнхны дунд өргөн тархсан түүний тухай домог нь тухайлсан нэг дүрийг тойрсон цуврал үйл явдлууд байдгаараа далан худалчийн болон бадарчны үлгэртэй төсөөтэй боловч үнэн бодит хүний тухай өгүүлдгээрээ өвөрмөц юм. 1843 оны өвлийн адаг сарын сүүл хаврын эхэн сарын эхээр төрсөн бөгөөд 1925 оны орчим насан өөд болжээ.
