Зохиолч: Альверо Менендес Франко
Орчуулагч: Боржигин Батмөнхийн Энэбиш
Ангилал: Гадаадын уран зохиол
Хэвлэлийн газар:
Бүсгүйг гадагш гарахад хотын гэрэл их галын дөл шиг нүдийг нь гялбуулжээ. Тэрээр ихэд бодлогошрон үймэрч тэвдсэн янзтай, бөөн гай гэнэт дайрахад түүнээс хагацах гэдэг тун бэрх ажээ. Чухам яахан аргалах вэ? Хүүгийнхээ харахыг ажаад юунд тэр тэгтлээ их түгшив. Хүү нь түүний хэрхэн яах гэж буйг мэдэж хардаагүй баймаар юм.
Тэрээр яагаад тийнхүү балмагдсан учраа олж ядна. Хайрт ханиасаа хагацсан бүсгүй шиг балмагдав уу, эсвэл амьсгал хураасан үрээ харж тэвдсэн адгуус шиг балмагдав уу? Бүсгүй чухам хэрхсэнээ ойлгож ухаарч огт үл чадна. Тэгэхдээ тэр ямар нэг үл ойлгогдох дотоод ухаан сэхээгээрээ бодит байдлаа бас тунгаажээ. Тэрээр удалгүй үйл зовлонтой учирч уруудаж доройтно гэдгээ урьдчилан мэдэж байлаа...
