Зохиолч: Кэнзабуро Оэ
Орчуулагч: Ж. Артөр
Ангилал: японы уран зохиол
Хэвлэлийн газар: Улсын хэвлэлийн газар
Шөнө болмогц би буу барьсан аавыгаа дагалдан чанасан будаатай ногоо бүхий хүнд өндгөн тогоо тэвэрсээр дахин төхөөнд оров. Негр буланд нь өтгөн шар нуух хуралдсан нүдээр биднийг хараад үс ургасан сарвуугаа шууд халуун тогоо руу явуулж ховдоглон идэж гарлаа. Би түүнийг тайвнаар нягтлан харж чадах болжээ. Эцэг маань уйтгарласан янзтай буугаа унжуулан хана түшнэ. Тогоо руу тонгойсон негрийн лухгар хүзүү үл мэдэг чичгэнэж, булчин нь гүрэлзэхийг харахад дуулгавартай номой өлзийтэй адгуус гэмээр санагдлаа. Амьсгаа хураан гэгээвчээр шагайж буй Мицукучи дүү хоёрыг үзмэгц би цийлгэнэн гялтганах хар нүд рүү нь хурдан залирхаг инээмсэглээд авав. Би негрт дасаж эхэлсэн бөгөөд бахархан баярлах найдвар төрлөө. Гэтэл негр яагаад ч юм тэнцвэр алдан хажуулдан унаж хөлийг нь тушсан бодонгийн хавхны гинж огцом харжигнахад миний урьдын айдас шинэ хүчээр амилан судас шөрмөсөөр зарганан гүйж нуруу руу хүйт оргив...
