Зохиолч: АНДРЭ МОРУА
Орчуулагч: Т. Төмөрхүлэг
Ангилал: Францын уран зохиол
Хэвлэлийн газар: Улсын хэвлэлийн газар
Нэг өдөр Барестэ лорд хөгшнийхөө хамт явгаар цэцэрлэгийн хүрээлэнд зугаалж яваад гаднах хаалганы дээгүүрх бяцхан акант саравч л үлдсэнийг ажив. Барестэ хатагтай цагаан өнгөт багануудын хоорондуур үүл нүүхийг ажиглаад нөхөртөө өгүүлрүүн:
— Энэ саравч миний амьдралын хамгийн гунигт өдрийн дурсамжтай холбоотой юм. Би урьд өмнө танд үүнийг ярьж зүрхлээгүй. Одоо бид хоёр аль аль нь нас хөгширсөн тул юугаа нуух вэ дээ? Тэр үед би Харитай, чи Субилитэй далдуур явдаг байв шүү дээ. Хариг Токиогоос ирсний хойно нэг орой бүжигт үдэшлэгт очлоо. Би олон долоо хоногийн өмнөөс Харитай уулзана гэхээс тэсгэлгүй баярлаж байсан юм сан. Тэгтэл Хари уучлал гуйн, гэрлэхээр завдаж байна гээд надтай уулзалдахын шалтгаан бол гэж нэгэн залуу бүсгүйтэй оройжингоо бүжиглэж өнгөрөөсөн билээ. Буцах замдаа тэргэн дотроо уйллаа. Гэртээ ирээд нүд ам бүлцийн хавдсан тул тань руу орох зүрх хүрэхгүй байсан билээ. Дэлбэгчийг явуулаад, хаалганы дэргэд хонх дуугаргасан хүн болж, нэг багана түшиж их л удаан эхэр татан уйлж зогссон билээ...
