Зохиолч: Ах дүү Гримм
Орчуулагч: Ц. БАЛДОРЖ
Ангилал: Үлгэр, домог Гадаадын уран зохиол
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Эрт урьд цагт нэгэн ядуу тариачин эр амьдарч байсан юм санжээ. Нэг орой тэр гал хутган, эхнэр нь юм нэхэн сууж гэнэ.
Тариачин эхнэртээ:
— Манайд хүүхэд байхгүй нь тун харамсалтайяа. Бусад айлд хэчнээн хөгжөөн шуугиантай юм гэж өгүүлжээ. Эхнэр нь:
— Тийм ээ! Манайд бүр ганцхан, ядахдаа чигчийнхэн чинээ хүү байсан ч би маш баярлах сан гэж гэнэ. Бид түүнд хэчнээн их хайртай байх бол!..
