Зохиолч: Ах дүү Гримм
Орчуулагч: Ц. БАЛДОРЖ
Ангилал: Хүүхдийн уран зохиол Гадаадын уран зохиол Үлгэр, домог
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Хүүхдүүд ээ! Энэ үлгэр үнэмшихэд хэцүү ч, үнэн юм шиг билээ. Өвөг эцэг маань энэ үлгэрийг ярихдаа сэтгэл нь хөдлөн ярьдаг байсан юм. Тэгээд «Хүү минь үүнд үнэн юм байгаа юм шүү. Эс тэгвэл ярих хэрэг юу билээ дээ» гэдэг байж билээ.
Болсон явдлыг өгүүлье.
Энэ нь хөц тариа яг цэцэглэн, ургац хураах үед нэгэн ням гарагийн өглөө болсон юм гэдэг. Тэнгэрт хурц нар мандан, өглөөний салхи хадсан тариаг сэрвэлзүүлж» талд болжмор дуулан жиргэж, хөц тарианы түрүүн дээр зөгий дүнгэнэн баярын хувцастай хүмүүс сүм рүү явцгааж амьд бүхэн, зараа хүртэл баярлан жаргаж байсан юм санжээ.
Зараа үүдэн дээрээ гараа салаавчилж зогсоод өглөөний агаараар амьсгалан сайхан ч биш, муухай ч биш ням гарагийн өглөө зараа дуулдаг тийм л хөгжилтэй дуу аялан зогсож байж гэнэ. Ийнхүү амандаа дуу аялан зогсож байхдаа авгай нь хүүхдүүдээ усанд оруулж хувцаслаж байх хооронд тал дундуур бага зэрэг сэлгүүцэж шар манжин нь хэрхэн ургаж байгааг ажиглаж болох юм гэсэн санаа төрж гэнэ...
