Зохиолч: Т. ДРАЙЗЕР
Орчуулагч: Бундын Энэбиш
Ангилал: Америк уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
...сүүлийн энэ өдрүүдэд шалгалтад оруулахаар авсан шинэ ажилчин хүүхнүүдийн дотор Клайдыг фабрик дээрх бүх хүүхнээс илүү шохоорхуулсан нэг хүүхэн байжээ. Энэ хүүхэн Клайдад шууд бусад бүх хүүхнээс илүү ухаантай, илүү хөөрхөн, илүү зориг бадрангуй мэт санагджээ. Гуалиг цэмцгэр биетэй энэ хүүхэн бяр чадлаараа ч бусдаасаа доргүй бололтой. Клайд энэ хүүхнийг анх үзээд, бусад хүүхэнд өвөрмөгц бус дур сэтгэл татах ямар нэг онцгой чанар энэ хүүхэнд байна гэж боджээ. Тэр хүүхэн юм бодож, ажигласан ямар нэг байдалтайн зэрэгцээгээр эрэлхэг зоригтой, эрс шийдмэг байдалтай, бас өөртөө итгэсэн байдалтай байх бөгөөд энэ нь зоримог шулуун, хатуу бат итгэлтэй хүний шинж юм. Гэлээ ч гэсэн энэ хүүхэн иймэрхүү ажилд туршлагагүй бөгөөд энэ ажлыг хийж чадах эсэхээ мэдэхгүй байна гэж хэлжээ.
Тэр хүүхнийг Роберта Олден гэдэг ажээ...
