Зохиолч: ЖОН РИД
Орчуулагч: Д. Нацагдорж
Ангилал: Америк уран зохиол
Хэвлэлийн газар: Улсын хэвлэлийн газар
Дараагийн хүүхэн тийм ч төвөгтэй бус байлаа. Тэр гучин долоодугаар гудамжны буланд намайг хүлээж байна уу даа гэмээр зогсож байв. Бид хоёр эгээ л төмөр, соронзон мэт уулзаж гар гараасаа зууралдан наалдав. Хүүхэн,
— Нэг газар очиж юм ууцгаая гэв.
Харахад чийрэг залуу уриалгахан байрын тэр хүүхэн улаан харыг хослуулан зохимжтойёо хувцаслажээ. Бидний очсон ресторанд түүн шиг сайхан бүжиглэдэг хүүхэн ганц ч байсангүй. Царай мэлгэр, зан ширүүн хоол зөөгчид, хуруу мэт бүдүүн сигар тамхиа хэмлэн суугаа ханхар эрчүүд, юм бүхэнд өртөгдчихмөөр төрсөн хөгжүүн атлаа жөтөөрхүү бүсгүйчүүд, тэнд суугаа бүхэн түүний бүжиглэхийг нүд салгалгүй ширтэн суулаа...
Түдэлгүй бүх гэрэл унтарч гагцхүү жүжигчид дээр гэрэл тусаад, согтуу дүнсгэр харанхуйн дунд бид хоёр хавтайяа озолцож суув...
