Зохиолч: ВАДИМ ШЕФНЕР
Орчуулагч: Я. Арслан
Ангилал: Оросын уран зохиол
Хэвлэлийн газар: Улсын хэвлэлийн газар
Сая рубль Костяд маш их хэрэгтэй байлаа. Хэргийн учир нь авга эгч Аня нь ээлжит хөдөлмөрийн ногдол, цалингаа гурав хоногийн өмнө авсанд оршино. ...цалин болох хэдэн мөнгөн тэмдэгтийг номын сангийн тавиур дээр тавьсан ажээ.
Маргааш өглөө нь найз Колька Шурыгин авга эгчийнх нь эзгүйд орж ирээд, нөгөө мөнгийг харж,
— Эгч чинь ямар их мөнгөтэй юм гэж зэмлэнгүй хэлээд, — Хоёулаа нэг дэвсгэрт авчихъя. Тал газрын хууль тийм байдаг юм гэв.
— Тэгж яаж болох вэ? Энэ чинь хулгай болно шүү дээ гэж Костя хэлэв.
— Чи юу ч мэдэхгүй байна! Арван хоёр нас хүрсэн мөртөө ийм юм ойлгохгүй байх гэж! Ганц дэвсгэрт авахад ерөөс хулгай болохгүй харин бие даасан байдлын илрэл болно гэж Колька гомдон өгүүлэв.
Саятын дэвсгэрт нэгийг авч, зургаадугаар цэцэрлэгт гудамжинд очиж, худалдагч авгайгаас дөрвөн бин, цувдайн хуушуур хоёр, хөөмөл боов хоёрыг авснаар саяас юу ч үлдсэнгүй...
