Зохиолч: Д. Содномдорж
Ангилал: Шүлэг, найраглал Монголын уран зохиол Хүүхдийн уран зохиол
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ Улсын хэвлэлийн газар
— Өчигдрийн шилжиж ирсэн
Өндөр нуруутай жаал
Дугаар ангид орсон байна.
Дугар гэдэг нэртэй юм гэнэ.
Уран зураг зурахдаа ч
Усан будгаар ялгахдаа ч
Ууган зураачаас дутахгүй гэнэ.
Уралдвал ер нь түрүүлнэ гэнэ.
Таван хошуу малыг ч
Талын цагаан зээрийг ч
Тарвага, зурам, хулганыг ч
Тахиа, нохой, гахайг ч
Уулын буга согоог ч
Усны загас, шувууг ч
Амьд юм шиг зурчихдаг
Авьяастай юм гэнэ ээ гэв.
Манай сургууль тэгвэл
Агуу зураачтай болж гэж
Маш баярласан хүүхдүүд
Ам амандаа шуугилдав...
