Зохиолч: Кейзо Хино
Орчуулагч: Ж. Амгалан
Ангилал: японы уран зохиол
Хэвлэлийн газар: Улсын хэвлэлийн газар
Тэр жил битүү тагтан дээр байсан анхилуун үнэрт гавар цэцэг нахиалж эхэлсэн өвлийн сүүлчээр дахин цас орлоо.
Торон хашлаганы завсраар битүү тагтан дотор цас нэвтрэн орж байв. Хашлаганы дагуу, шалан дээр төрөл бүрийн ургамал бүхий ваарууд байна. Энэ ургамлуудыг Горо, төрөлх хот Хиросимад байдаг хуучин байшингийнхаа дэргэдэх цэцэрлэгээс малтаж авчирсан юм. Нэгэн мөнх ногоон сөөгийн навчин дээр хашлаганы дүрс тусжээ. Бүх ургамал цагаан цасаар хучигдаж, зөвхөн хашлаганы төмөр саваануудын дагуу зэрэглэсэн ногоон зурвас үлджээ.
Горо гавар цэцэг, мэлрэг, тернстремээс өөр нэг ч ургамал мэддэггүй бөгөөд зөвхөн авчрах үүрэг гүйцэтгэнэ, харин ваар, шороо худалдан авах, цэцэг арчлах зэрэг бусад ажлыг эхнэр нь хийнэ.
Гайхалтай нь, Кёко өөрийн аашинд тохирсон хурц тод өнгийн цэцэгт дуртай боловч,..
