Зохиолч: Жигмонд Мориц
Орчуулагч: С. Уртнасан
Ангилал: Унгар уран зохиол
Хэвлэлийн газар: Улсын хэвлэлийн газар
Арван хүүхдээ тойруулсан хайрт ээж нь гэрийнхээ хойморт, гэр нь суурины бас яг дунд, суурин нь ч энэ ертөнцийн яг л төвд нь оршин бүлгээ.
Гагцхүү дөрвөн настай бяцхан охин Роза бол тэр гал голомтод ч, тэр сууринд ч, тэр ч атугай энэ ертөнцөд, ер нь хаана ч үл хамаарагдах агаад улсын тэтгэмжээр амьдардаг өнчин хүүхэд байжээ. Роза охин дээрх айлын олон жаалтай хамт аж төрөх авч нөгөө хүүхдүүд Розаг халуун ам бүлийнх нь биш гэж мэддэг байжээ. Харин бяцхан Роза улсын тэтгэмжийн хүүхэд гэдэг үгийн учир утгыг ерөөс мэддэггүй байв. Өөрийгөө бусад хүүхдүүдийн адил ээжтэй гэж бодоод одоо хэр, олон жаалыг хувцсаа тайл гэж зарлиг буулгаж байгаа хар гэзэгтэй бүдүүн пагдгар авгайг «хайрт ээж ээ» гэж дууддаг байлаа...
