Зохиолч: Брээм Чанд
Орчуулагч: Ж. Гэндэндарам
Ангилал: Энэтхэг зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Эдүгээ хүртэл тэр, ганц хүүгийнхээ төлөө эхийн сэтгэлээр амьдарч явсан бол одоо дайснаас ор хариугаа авахын төлөө хорон сэтгэлээр амьдрах хэрэгтэй боллоо. Одоо түүнд сайн сайхнаар амьдрах ямар ч хүсэл алга. Ор хариугаа аваад амьдралд нь сайн юм гарахгүй нь мэдээж. Гэсэн ч яах вэ, ядаж энэхүү хүн дүрт махчин Баагачи түүний нулимсыг яаж асгарууллаа, яг тэрчлэн түүнийхийг нэг удаа ч гэсэн асгаруулаад авах юм сан гэдэг бодол төрөх болов. Охин амьтны зүрх уян зөөлөн байдаг. Гэхдээ энэ бол байдал шалтгаанаас хамаарна. Эрийн үйл үнэн зөв байвал эм хүн гэдэг чинь зөөлөн журмын дар эх байдаг. Харин хамаг байдаг юмаа баллуулсан нэгний хувьд бол эмэгтэй хүн эрэгтэйгээсээ ч үл дутах жигшилтэй бөгөөд ууртай байж чаддаг. Харин ялгаа нь л гэвэл эрэгтэй хүн эр чадлаа, эмэгтэй хүн арга ухаанаа гаргадаг...
