Зохиолч: МАХЭЭШВААРИИ ЖАКООРИИ
Орчуулагч: Ж. Гэндэндарам
Ангилал: Энэтхэг зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Намайг гэхээр амиа тавьдаг хөгшин муу хадам маань ч майжганан гүйж ирээд
— Ээ бурхан минь, чи минь яах гэж байна. Хүү минь энэ хоосон хорвоод чинь иймэрхүү юмаар үйл бүтнэ гэж байдаггүй хэрэг. Амьдралаа битгий үрчих, хүү минь. Нүд, чих гэдэг чинь тийм хямдхан эд биш. Жаахан бодно байгаа, хүү минь гэж өгүүлэхдээ, намайг хайрлаад бүр уурлачихсан байсныг яана гээч. Бусад эх дүүс бултаараа өвгөн хадмын үгийг өргөн дэмжиж намайг зэмлэн буруушааж хайрласан тэвдсэн нүд бүхэн л над дээр онилсон байж билээ. Үнэндээ тэд бүхний хэлж ярьсан бүхэн, гагцхүү намайг л гэж байсан нь яах аргагүй зөв боловч гөжүү хар толгой, би яах вэ дээ бас л гөжиж зөрөөд л тэднийгээ инээдэм наадмаар дүйвүүлэн өнгөрүүлсэн. Харин ч тэдний үгийг сонсох тусам улам зориг орж сэтгэл шулуудав. Тэр үед тэнэг толгойд тэгэхээс өөр сайхан юм ердөө ч байхгүй юм шиг байж дээ. Тэгээд за яах вэ, хожим хойч дурсан санана биз гэж яг таг шийдсээн.
Эмч анхандаа баахан дургүйцэв. Гэвч эцэстээ аргагүй зөвшөөрөв...
