Зохиолч: Д. Равжаа
Ангилал: Шүлэг, найраглал Монголын уран зохиол Хувь хүний хөгжил
Хэвлэлийн газар: Тодорхойгүй
Шагшаабадыг сахивал шашин номын суурь мөн
Хүмүүн төлөвийг засвал энх төрийн чимэг мөн.
Номын утгыг мэдвэл номхон дөлгөөн болно.
Төрийн ёсыг мэдвэл төлөв төвшин болно.
Хүний сайнтай ханилбал наран сарны гэрэл мэт.
Хүний муутай ханилбал хорт могойн хор мэт
Жаргал зовлон хоёр нь өөрийн биеэс гарна
Үхэх төрөх хоёр нь үйлийн эрхээр болно.
