Зохиолч: Бернхард Келлерман
Орчуулагч: Г. Сосор
Ангилал: Германы уран зохиол
Хэвлэлийн газар: Улсын хэвлэлийн газар
Аллан юуны өмнө, эрхэм хүн Ч. X. Ллойд авгайтныг хүлээн урам зоригийг тань чилээчихсэн байх аа хэмээн сэтгэл зовнин байгаагаа өгүүлэн уучлалт гуйснаа, өөрийнхөө төсөлд гарах туннел нь нэрд гарсан Энэтхэгийн эрэг Цейлоныг холбосон Рожерийн Палк-Страйт-Бриж хэмээх гүүр, Атлантын ба Номхон долгион гадаад далай холбосон Панамын сувгаас нэг их илүүд тооцогдох том зүйл биш болохыг дурдав. Ер нь үнэндээ жирийн зүйл хэмээснээ хэсэг шохой өмдний халааснаас гарган ардаа байгаа самбар дээр хоёр шугам татаад
— Нөхөд өө! Энэ америк, Энэ Европ болог оо! Чингэвэл энэ хоёр тивийг далай доогуур туннелээр (хонгилоор) холбох хэмээсэн юм аа. Хэрвээ бид энэхүү төслийг хэрэгжүүлэн арван таван жилийн дотор тэрхүү туннелийг байгуулж чадаа юм бол дуртай цагтаа цаг уур, цас усны аюулыг амсалгүй ганцхан хоногт хоёр тивийн хооронд галт тэргээр ирж очицгоох болно оо. За, миний хэлэх зүйл товчоор энэ л байна...
