Зохиолч: Давид Кугультинов
Орчуулагч: Д. Шаравнямбуу
Ангилал: Үлгэр, домог
Хэвлэлийн газар: БНМАУ-ын Ардын боловсролын яамны хэвлэл
Шүр сувдыг урсгасан Шилт-зандан голын анхилуун сайхан хөндийд, өндөр Манхан уулын хормойд Чихэр-луу нуурыг тойрон Ариун бумбын орон оршдог билээ. Ариун бумбын орныхон мянган жил дайн үзсэнгүй, тосонд умбаж, торгонд хөлбөрч «минийх» «чинийх» гэдэг үгийг мартаад жарган суув.
Цал буурал сахалтай, таван зуун мэргэн өвгөд настнууд хүндтэй ширдэг дээрээ морилж гүрнийхээ хэргийг захирдаг байв. Чухал хэрэг явдлын хамгийн эцсийн шийдвэрийг хувь заяаг шинжих хөлгөн судрыг уншдаг далдын их шидтэн таван зуун настай, өвгөн цэцэн гаргадаг гэнэ.
Ургахын улаан нарнаар Бумбын орны эрчүүл нь малаа бэлчээхээр хээр тал руу гардаг байж...
