Зохиолч: Эдмондо де Амичис
Орчуулагч: Д. Наваан
Ангилал: Адал явдалт Италийн уран зохиол Хүүхдийн уран зохиол
Хэвлэлийн газар: УЛСЫН ХЭВЛЭЛ
Олон жилийн өмнө юм гэнэ билээ. Генуя хотын нэг ажилчны хүү, 13 настай Марко ээжийгээ эрж, Өмнөд Америк орохоор гарчээ.
Түүний ар гэр өр ширэнд баригдаж туйлын ядуу дорой амьдарч мөнгө зайлшгүй шаардагдсан учир, Маркогийн ээж хоёр жилийн өмнө Аргентины нийслэл Буэнос-Айресэд очиж, ямар нэгэн баян айлд зарцлагдан богино хугацаанд их мөнгө олж ирэхээр явсан юм байжээ. Тэр ядуу хоосон эх, үр хүүхдээ орхиж алс хол явахдаа учир зүггүй их уйлав. Хүүхдүүдийн нэг нь 18-тай, нөгөө нь 11 настай байлаа. Гэвч, эх санаа сэтгэлээр унаж гутралгүй зорьсондоо итгэж, аян замдаа явжээ...
