Зохиолч: Энн Ветемаа
Орчуулагч: С. Лочин
Ангилал: Гадаадын уран зохиол
Хэвлэлийн газар: Улсын хэвлэлийн газар
Вышгородын сүмд бадралт баг бишгүүр тоглоно. Заримдаа тэнд хөгжмийн дээд сургуулийн оюутнууд оройн цагаар тоглодог. Хаалганы бариулыг нь дарахад тэр онгойж би хоосон сүмийн үүдний өрөөнд орчихов. Хамар өөд чийг даасан, амтлаг, ямар нэгэн танил үнэр, түрүүч түрүүчийн зууны үнэр, сорви суун эдгэсэн зовлонгийн үнэр, урьд эрт уйлсан нулимсны үнэр ханхийв... Сүмийн хаалгыг яагаад тийм том хийдгийг би мэддэггүй, асар том загалмайтай шинэ Иисус ирнэ гэж хүлээдэг юм уу? Ямар ч л гэсэн тийм хаалгаар ороход өөрийгөө газартай наалдтал даруулсан сэтгэл төрдөг юм...
