Зохиолч: В. Г. Распутин
Орчуулагч: С. Бадраа
Ангилал: Оросын уран зохиол
Хэвлэлийн газар: Улсын хэвлэлийн газар
Гэтэл тэссэнгүй үл мэдэг өлийж Андрейг хулгай нүдээр хараад мэл гайхаж цэл хөхрөв. Андрейг хараад, өлөн ховдгийг нь хараад тэгсэн биш, сахалдаа наалдсан талхны үйрдэс түүж суугаа энэ хайхрах хүнгүй болсон, уранхай ноорхой хүн миний өнөө шөнөжин бодож нойргүй хонодог хүн, өнөө хамаг хүчээ баран тэмүүлж ирсэн хүн мөн гэж үү гэж хачирхжээ. Аяа, тэнгэр! хүний сэтгэл гэдэг юутай тогтворгүй, балар будилаантяй вэ! Юутай нэхэл хатуутай, хувирамтгай бэ! Би энэ хүний төлөө гол мөрөн гатлан, энэ хүний төлөө зовлон туулж явнам гэж үү? Энэ хүн намайг дураараа аймшигтайгаар захиран байнам гэж үү? Үнэмшихийн аргагүй юм. Гэвч Настена ингэж бодохыг больж, энэ хүн анх фронтоос ирж намайг үзээд юу гэсэн бил ээ? Би хэнийг бодож оргож ирэв? Би юуны тулд ийм хэрэг явдал гаргав гэж чи бодож байна гэж асуусан биш үү?
