Влайку «Кишиневт хагас сайн өдөр нөхрийн хамтаар очно. Саша» гэсэн цахилгаан авч гал зуух, хоолныхоо өрөө рүү гүйж ороод:
— Анна! Анна! Саша хар хүнтэйгээ ирэх гэнэ гэж хашхирсан боловч эхнэр нь байсангүй.
Влайку энэ баярт мэдээг хуваалцах хүнгүйд жаахан уйтгартай санагдлаа. Тэр матмал сандал дээр шигдэн суугаад цахилгаан утсыг дахин дахин уншиж:
— Ирцгээ! Ирцгээ! гурав дахиа ирэх нь байж. Бас л эхийнхээ тухай сонсмоор санагдаж дээ гэж дуу алдаад инээмсэглэн бодол болжээ...
