Энэ тууж болбоос, Цагаан дара эхийн тууж, Үнэнийг өгүүлэгч, Наран гэрэл дагинын тууж, Тоонолжин гоо дагинын тууж хэмээх зэрэг олон янзын нэртэй явдаг бөгөөд нийтэд түгээмэл дэлгэрсэн тууж болмуй. Энэ зохиол ер хэвлэгдсэнгүй бололтой. Хятад Энэтхэгийн зарим нэгэн туужийг дуурайлган монгол хүн зохиосон болов уу гэж санамаар баймуй, гэвч үүнийг сайн судалсангүй тул ямар ч шийдвэртэй үг хэлэх аргагүй баймуй. Надад олдсон Наран гэрэл дагинын туужийг үзвээс хулсан үзгээр бичсэн бөгөөд бичгийн хэлбэр нь арван долдугаар зуунаас өмнөх үеийн бичиг мэт. Тус туужийг өөртөө байгаа хулсан үзгийн эхээс яг хэвээр хуулж аваад Ленинградын дорно дахиныг судлах газрын номын санд байгаа бичмэл судартай тулгаж засаад хэвлэвэй. Чингэхдээ ялгаваргүй байсан үсгийг ялгаж бичсэн ба “н” үсэгт цэгийг тавивай.
Ц. Дамдинсүрэн
