..Ой дотуур өнгөрч, задгай хотгорт ороод уул өөд өгсөж эхлэхэд дахиад ой мод хөхрөн харагдав.
Ууланд гарч явтал... Гэв гэнэт замын ойролцоо таван амьтан харагдлаа. Таван чоно модон дотроос гарч ирээд отон зогсжээ.
Наум морио зогсоож, муухай хараал тавьж:
— Хонгор эхийг чинь... Энэ орог саарлуудын эгнээд зогсож байгааг хэмээн үглэв.
Иваны омголон залуу, үргэмтгий морь гэдрэг ухарч, чарганыхаа арал дээгүүр хөлөө давуулж орхилоо. Иван жолоогоо дугтчин эргүүлэх гэж ядав. Морь нь хамраа тачигнуулан өшигчих боловч хөлөө буцаан давуулж чадахгүй байжээ.
Сүрэг чоно уул руу бууж эхлэв...
