Зохиолч: А. Рыбаков
Орчуулагч: Ц. Гомбосүрэн
Ангилал: Оросын уран зохиол Түүх
Хэвлэлийн газар: Тодорхойгүй
Оржоникизег Улаан талбай дээр ёс төртэй оршуулав.
Түүний нас нөгчсөн, оршуулсан тухай олон сонин бүтэн бүтэн нүүр материал нийтлэв. Хүнд аж үйлдвэрийн ерөнхий командлагч, ард түмний хайрт хүү, эрхэм нөхөр Серго нас нөгчсөнд улс орон даяараа уйсан гашууджээ. Ийм гарз тохиосонд хямран балмагдсан эрдэмтэд, аж үйлдвэрийн удирдагчид, ажилчид, цэргийнхэн, зохиолчид, жүжигчид, зураачид сонин хэвлэлээр үгээ хэлцгээв.
Дайсан бас яаж ийгээд гараа дүрчхэж. Чеченийн нэг яруу найрагч Оржоникизегийн нас нөгчсөнд зориулсан шүлэг нийтлүүлжээ. Чеченийн зохиолчдын хурал дээр тэр шүлгийг нь магтсан юм байж. Тэгтэл уярч дэвэрсэн найрагч, “Нөхөр Сталиныг нас барахад би бүр илүү шүлэг бичнэ” гэж амлаж. Тэр годилыг арга буюу буудан алжээ.
