Түүнийг Васёка гэнэ. Васёка бол хорин дөрвөн настай метр наян таван санти өндөр нуруутай, мончийсон том хамартай, бас... авахын аргагүй араншинтай хүн. Васёка ер нь хачин гэхэд даанч хачин эр билээ.
Цэрэгт явж ирснээсээ хойш малчин, мужаан, чиргүүлч, тоосгоны заводын галч гэх шиг чухам ямар ажил эс хийв! Нэг үе тойрон аялагчдыг ойр хавийн уул хадаар дагуулж явдаг байлаа. Санаанд нь таарах ажил нэг ч байсангүй. Васёка нэг газар орж ганц хоёр сар ажиллаад конторт очиж тооцоогоо бодуулдаг байжээ...
