Английн утга зохиолд Шекспирийн нэр шиг цуунд гарсан нэргүй билээ. Түүний жүжгүүд шинэ уран яруу баялагтай болж дэлхий дахины театрын тайзан дээр цуурайтаж байдаг юм.
Шекспирийн зохиолууд XVI зууны эцэс XVII зууны эхэн үеийн английн эдийн засаг, нийгмийн гүн гүнзгий дэвшил, энэ үеийн хүмүүсийн нарийн төвөгтэй дотоод сэтгэхүйг харуулсан байдаг.
Их зохиолчийн бүтээлийн ид цэцэглэлтийн үед бичигдсэн «Отелло», «Лир ван» гэдэг хоёр суут жүжгийг нь манай ахмад орчуулагч Э. Оюун, Ч. Чимэд нарын орчуулгаар түүний мэндэлсний 400 жилийн ойг тохиолдуулан уншигч авгай нартаа толилуулав. Тус номын талаар санал зөвлөгөөгөө ирүүлнэ үү. Жич орчуулагч нар тайзны байдалд зохицуулан зарим газар хасаж найруулсан орчуулгаар хэвлэж байгаа болохыг анхаарна уу!
Хэвлэлийн Хэрэг Эрхлэх Хороо
(“Улсын хэвлэлийн хэрэг эрхлэх хороо” Улаанбаатар хотноо 1964 онд эрхлэн хэвлүүлсэн "Лир ван (эмгэнэлт жүжгүүд)" номын Өмнөх үг)
