Хэл зохиолын хүрээлэнгийн эрдмийн зөвлөлийн хурал дээр Ц. Дамдинсүрэнгийн хэлсэн үгээс:
Хэдэн жилийн өмнө миний бичсэн зохиолуудыг Зөвлөлтийн тэргүүний зохиолчдын зохиолын хамт Бээжингийн Тянь Аньминий талбайд овоолж байгаад шатаасан юм. Энэ тухай зөвлөлтийн “Утга зохиол” сонин, Монголын “Утга зохиол” сонины 1968 оны есдүгээр сарын 27-ны дугаарт бичсэнийг бид уншсан билээ. Үүнийг үзээд дайсныг зэвүүцэх, нөхдөө баярлуулах юмыг би бичсэн байна шүү гэж бахдаж байлаа.
Гэтэл одоо бидний зохиосон Орос, Монгол толийг Лхамсүрэн даргын тушаалаар урж таслаад Сүхбаатарын талбайн зүүн хойд өнцөгт хэвлэх үйлдвэрийн хашаанд шатааж байна гэж би сонслоо. Бээжин, Улаанбаатар хоёрын төв талбайд яасан адилхан түймэр ноцож байна вэ гэж бид гайхаж байна. Тэгээд намайг дуулгавар муутайхан шиг байвал хатуу шийтгээд миний бүх зохиолыг шатаах улсын төлөвлөгөөг Лхамсүрэн дарга хийчихсэн бололтой байна.
Нөхөр Лхамсүрэн! Миний зохиолыг шатаавал шатаатугай Миний зохиол, бүтээлийг Бээжин, Улаанбаатар хоёрт шатааж байдаг бол Москвад шатаахгүйгээр барахгүй, харин дахин хэвлэх болно.
