тэр хоёр үе үе уулзалдан тоосгоны үнэ нэмэгдсэн гэх мэтийн аар саар юм ярилцана. Өвөл тийшээ мянга орчим ширхэг тоосго худалдаж авахаар зэхэж байсан Хоакин
— Мянган тоосгоны үнэ дөчин песо болж нэмэгдэнэ гэцгээх юм гэв.
— Дөчин тав хүрнэ.
— Энэ чинь яасан булай хэрэг вэ. Та бодоод үзээч. Бүхэл бүтэн арван песогоор нэмэгдэх нь байна шүү.
Тэгээд дөрвөн сарын дараа төлөх аравхан песоныхоо төлөө бүтэн цаг шогшрон улс орноо, хууль дүрмээ эгдүүцэн муулцгаана. Түүхий эдийн үнэ нэмэгдэж хоёулыг нь хохироож буй нь тэднийг ойртуулжээ. Бусад хүмүүс харамч хомхой зангаа нууж дардаг байтал тэр хоёр ийм байдлаараа бахархан гарцаагүй сайн үйл адил төвийлгөн гайхуулна.
