Зохиолч: Н. В. Гоголь
Орчуулагч: Д. Гомбожав
Ангилал: Адал явдалт
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ
Инээнэ үү, та нар, бидний өвөг дээдэст инээд биш ханиад байсан юм шүү. Афанасий ламтан тосгон даяар рашаан цацан явж чөтгөрийг тонилгосон боловч талийгаач өвгийн эгч ярихдаа, үдэш болмогц ямар нэг этгээд дээвэр дэлдэж хана туурга самарддаг гэж гомдолхийлдэг сэн билээ.
Одоо бол ч бидний энэ тосгон байгаа газар амар жимэр санагдана л даа. Гэвч саяхан болтол, талийгаач эцэг бид хоёр ч санаж байна, эвдэрч нурсан нөгөө пүүсийг бузар шулам эзэмдэж байсан болохоор дэргэдүүр нь эгэл хүн өнгөрөх аргагүй байлаа. Эвдэрсэн яндангаар утаа олгойдон бөөн үүл босон тал хөдөө нэлдээ халуун нурам болж гайхал чөтгөр үүрэндээ муухай дуугаар орилоход айсан шувууд сүрэг сүргээрээ царсан ойгоос зайлж орилолдон нисэж тэнүүчилдэг байсан юм даа...
