Зохиолч: Виктор Доминго Сильва
Орчуулагч: Боржигин Батмөнхийн Энэбиш
Ангилал: Гадаадын уран зохиол
Хэвлэлийн газар: Улсын хэвлэлийн газар
Үйлт чили бүсгүй эхлээд эцэгтэйгээ, дараа нь ах, нөхөртэйгөө, эцэстээ хүүтэйгээ үүрд зовж зүдрэх бэрх хувь тавилантай байдаг ажээ. Удосияд аз жаргал гэгч хоромхон зуурынхаа илчээр ивээсэн өвлийн нарны хуурамч туяа инээмсэглэл мэт ахархан явцгүй санагдана. Хөөрхий бүсгүй яаран оргож, түгшин айх аюулд автсан хуримын сарынхаа дараа бөөн уй гуниг, бэрх, гуйранч амьдралтай учирна хэмээн огт бодсонгүй. Лоло тун хуншгүй хуурамч этгээд байжээ. Тэрээр Удосияг усан замын буудлын орон сууцны нэг муу жигтэйхэн бохир өрөөнд оруулчхаад өөрөө өдөржингөө алга болчихдог байв. Лоло орой шал согтуу хүрч ирээд аваачаад худалдчихмаар юм гэрээсээ өлбөлзөн эрнэ.
... Нэг өдөр Удосия нөхрөө эрүүл, ээлтэй, ирээсэй гэж нэн чухаг нэгэн зүйл хэлэхийг хүсэн хүлээж байжээ. Бүсгүй хүн өөрийн туйлаас баярлан үртэй боллоо хэмээн эцэгт нь хэлэх гэдэг их оргилуун хүсэлд автан бахархаж байсныг өгүүлэх юун.
Гэтэл Лологийн нэгэн найз нь түүнийг цагдаагийн газар баригдсан хэмээх аюулт мэдээг Удосияд сонсгожээ...
