Зохиолч: Ах дүү Гримм
Орчуулагч: Ц. БАЛДОРЖ
Ангилал: Үлгэр, домог Гадаадын уран зохиол
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Үхэл ч амласан ёсоороо ирж хүүд нэр хайрлаж гэнэ.
Хүү ч удалгүй өсөж том болжээ. Нэг өдөр нэр хайрласан үхэл хүрч ирээд «Намайг дагаад яв!» гэжээ. Үхэл хүүг ойд аваачаад нэгэн өвс харуулж:
— Нэр хайрласан хүн болохоороо би одоо чамд бэлэг өгнө. Би чамайг алдартай эмч болгоно. Чамайг өвчтэй хүн үзүүлэхээр дуудах болгонд би бас очно. Би толгойных нь хажууд зогсож байвал чи өвчтөнийг эмчилж чадна гэж зоригтой хэлээрэй. Харин хөлийнх нь хажууд зогсвол тэр өвчтөн минийх учир ямар ч тусламж, энэ дэлхийн ямар ч сайн эмч аварч чадахгүй гэж хэлэх ёстой. Хамгийн гол нь чи энэ өвсийг миний дур зоргын эсрэг хэрэглэхийг цээрлэ, хэрэв тэгвэл чамд муу юм болно шүү гэжээ...
