Би бол өвөг эцэг Дамдин, эмэг эх Ханд нарын гар дээр бага насаа өнгөрүүлсэн болохоор тэдний амьдралын тухай там тум мэдэхийн дээр миний ээж С. Янжмаа амьд ахуйдаа, аавын эцэг эхийн аж амьдралын тухай сонирхож таних мэдэх хүнээс сураглан лавлаж овоо тодорхой болгосон билээ. Би ч бас өвөг эцэг, эмэг эх нарын амьдрал, аавыг мэдэх таних хүнээс сураглаж сонирхож яриулдаг л байлаа. Энэ бүх дуулсан сонссоноо нэгтгэж өвөг эцэг Дамдин, эмэг эх Ханд нарын амьдрал ба аавын идэр насны үеийн зарим хэсгийг бага боловч тодорхой болгох боломжтой болсон учир энэ тухай дуртгалын эхэнд товчхон тэмдэглэхийг хүсэж байна...
