Зохиолч: С. Буяннэмэх
Орчуулагч:
Ангилал: Монголын уран зохиол Түүх Намтар, дурсамж
Хэвлэлийн газар: Улсын хэвлэлийн газар
Тэндээс Ленин багш манай төлөөлөгчдөөс улс төр, ард олны одоогийн байдлыг асуухад бид нар товчоор илэрхийлсэн нь: Манай монголын ард түмэн мөнөөхөн их улсын тусламжийн хүчээр гадаадын дайсны гараас ангижирч өөртөө эзэрхэх хэмжээт эрхтэй хаант засагтай ийм улс болоод энэ хэр цагийн байдлыг дагаж эдгээр хуучны феодал этгээд лүгээ түр нэгдэн жагсаалаар гадаадын дайснаас сэргийлэн тусгаарлах явдлыг явуулж байна. Манай ийнхүү явуулга бодлого зөв буруу алин болохыг зааж сургахыг хүснэ хэмээхэд Ленинээс
— Зүйтэй. Гагцхүү эзэрхий түрэмгий ба помещик хэмээх феодалыг тэмцэх хэрэгтэй бөгөөд тэдгээр феодал этгээдээс хэдийгээр ашиглан хэрэглэхэд болох боловч итгэмжилж үл болно гэсэн ба бас манай төлөөлөгчдөөс эдүгээ бол манай монголд ардын нам хувьсгалт залуучуудын эвлэл хэмээх хоёрхон том улс төрийн чанартай байгууллага бий бөгөөд манай улс угаас бэлчээрлэн нүүдэллэх ажлыг эрхлэн онц байдалтай хоцрогдсон улс тул ямар ч үйлдвэрчин тариачны анги үгүй ба мөн тийм эв хамтын намгүй болой. Энэ байдал маань юу болохыг зааж сургамуу хэмээхэд Ленинээс зүйтэй, танай монголд энэ хэр Ардын хувьсгалт нам эвлэл хэмээн ардын байдалдаа тохирсон байхаас бус эв хамтын нам байх нь эртдэх хэрэг болой хэмээн хэлсэн бөгөөд...
